Canten los Sapos. Nueva vía en Los Peñones del Vilosu (Casu - P.N. Redes)

Sábadu 11 de marzu de 2017

Con estos inviernos tan raros que mos vienen últimamente anda uno perdíu, non se sabe si coyer los fierros o los gatos o el palote y dir pal güertu. Una semana con temperatures casi veraniegues, sumau a la poca ñeve caía esti añu, non daba muches esperances pal fin de semana.


Ya iba dos veces, que saliendo de nuechi a coyer lleña pal fueu, sintía cantar los sapos, y aunque el refraneru popular ya de pocu val con esto del cambiu climáticu, mio güela siempre diz "cuando canten los sapos antes d'abril, allí la ñeve ha de cubrir". La meteo confirmaba lo qu'avisaben los sapos, y pal sábadu de tarde entraba borrasca y fríu, asina qu'había que aprovechar la mañana del sábadu.

Últimamente cuadrar colos coyacios pa salir al monte ye mas difícil que la alineación de los astros, a última hora tuercense siempre los planes, asina que tocaba salir solu. Que por otru llau ye algo que me presta y necesito de vez en cuando.

Tenía gana volver al Vilosu a echar un güeyu, esa cara de la Peña la Rapaona siempre me llamó la atención y pienso que tien un potencial de la ostia pa la escalada en xelu y terrenu mixtu.
En avientu (diciembre), nuna primera incursión, habíamos subíu un corredor sencillu en la parte central de la paré y habia echau un güeyu a un estrechu canalón que subía pe la so derecha.
N'aquella ocasión entramos per Brañagayones, aprovechando que contaba col 4x4. Esta vez entré per Lleón, pol Valle de Ríu Pinzón.


Valle del ríu Pinzón y picu San Justo

Jornada de esquí-alpinismo nel Mampodre

Domingo 26 de Febrero de 2017

El fin de semana anterior volviendo de Picos fijeme en que el Mampodre taba bastante blanquin, la meteo pal finde era buena, así que hable con Elías de ir a fecer La Senda de los Elfos al picu del Medio Día,  pero a última hora torcieronse los planes y Elias non podía ir.


Seguía con ganes de ir a dar una vuelta pel Mampodre así que decido ir a fecer algo solu en plan lixeru (esquís y un par de piolos por si acasu). El domingo madrugo y a les 7 salgo de Veneros rumbo a Maraña, pocu más de media hora de coche y toy allá,  ¡que lujo!


Cuando estoy poniendo les botes lleguen a Maraña Xuan y Gelín, dicenme que van a fecer algo por la Norte de La Polinosa, garro l'arnés que tenía en coche y voy con ellos.

     Por el valle de Valverde