8 de Xineru de 2018
Resulta paradóxicu (por no decir vergonzosu) qu'agora que ca vez ñeva menos, se tienda a exagerar más por parte de los medios, con ca temporal que vien. "Alerta por fuertes nevadas, acumulaciones de ¡hasta 80 cm.!", después resulta que ñeva una nueche (eso si ñeva), cae una cuarta y ya tienen película nos informativos pa un mes, por no hablar del "borreguismo" de la sociedá en xeneral. ¡Ay, aquelles ñevaes de antes...!
Pero buenu, nieve más o menos, contra eso pocu o na podemos facer. Asina que hay que aprovechalo como venga. Últimos diis llibres antes d'entamar el TD2 y dan una ventana de buen tiempu pal llunes, ¡hay que aprovechala!
 |
Peña Ten y La Vegadona o vega La Fonfría
|
Distancia: 19,69 km.
Tiempu: 7:06 H
Cota máxima: Pileñes 2012 m.
Cota mínima: La Uña 1176 m.
Desnivel positivu: 1272 m.
Desnivel negativu: 1290 m.
La zona del Puertu Tarna y Les Señales siempre da xuegu pal esquí, de fechu ellí "aprendí" a "esquiar" va ya unos cuantos años. Como la cosa ta floxa de ñeve, prefiero non arriesgar y dir cerca casa. La carretera ta delicá, entre la ñeve y les llucies de xelu, obliga a ir con muchu cuidau.
Paro a echar un ojo colos prismáticos a ver como tan les cascaes, la cosa ta muy escasa, Espejismo Helado pue que "salve" y algo mas se ve colgar na zona de Avance Socialista y Sal Si Puedes, pero bastante precariu.
A les 9:45 aparco na oriella la carretera, pocu antes de La Uña, al pie de la fuente La Turriente y salgo, con los esquís ya puestos, hacia el valle Valdosín , a través del puente que cruza el ríu Esla.
Un tupíu borrín mantién la xelá bien conservá, voy con toa la ropa puesta y non sobra.
 |
| Hacia Valdosín |
 |
| Ten intenta salir de la penumbra |
Fa friu, d'esi que manca'l respirar, pero ir abriendo buelga na ñeve fresca enseguida me pon a funcionar.
 |
| Pileñes al fondu, Ten a la derecha |
Dispués del corral de Valdosín xiro a la derecha hacia el valle que baxa del collau Las Aredondas, pa ir ascendiendo esti pela fastera izquierda. A la entrá'l valle sorpréndeme un preciosu Águila Real, qu'esnala espantau por un cuervu. Algo más arriba veo un raposu y unos cuantos rebecos. Yendo solu esto ye más habitual.
 |
| Raposu |
 |
| Buen par de peñes |
Lo que en teoría diba a ser un prestosu día de sol, preséntase ca vez más plomizu. Cuando llego al collau Viañu veo que pa Asturies el panorama tovía ye peor, y que unes extrañes ñubes avancen hacia'l sur, osea hacia mí.
 |
| Vista hacia'l norte dende'l collau Viañu |
Asina que na, apuro pa llegar al visu antes que la ñube. Viendo lo vistu descarto la idea inicial de subir también a Ten, inclusu planteome baxar a Las Arredondas y volver a coyer el camín pel que había veníu.
 |
| Hacia Pileñes |
 |
| Amenazantes ñubes llegando al Tiatordos |
 |
| Cornises del aire |
 |
| LLegando a cumbre |
 |
| La "Reina" escóndese |
 |
| Les fondures de los Beyos |
 |
| Pileñes 2012 m. |
Cuando llego arriba chispotea daqué de ñeve, pero tien pinta ser pasaxeru, asina que anímome a baxar pa Arcenoriu. La ñeve ta guapa pa esquiar, pero lo gris del ambiente fa que los relieves desapaezcan. Como daqué, quito pieles y pa abaxu.
 |
| Una placa, de la anterior ñevada, que quiso escapar |
 |
| Los peñones que cayeron de Ten, al fondu Pileñes |
 |
| Guapa esquiada |
Agora empieza a salir el sol, si lo se espero un pocu arriba pa haber teniu meyor visibilidá durante el descensu. Mirando atrás no se ni como fice unes "eses" tan decentes, si apenes veía per onde diba.
 |
| Una vista atras dende les primeres cabañes |
N'Arcenoriu pongo otra vez les pieles, toca siguir rodeando la mole de Ten. Allégrame ver les cabañes bastante igüaes.
 |
| La ermita de Arcenoriu |
Abandono Arcenoriu pela cuenye de enfrente la ermita, un rebecu vixílame atentamente. Les pates entamen a pesar, pero el paisaxe distráeme lo suficiente como pa non acordame de elles. La Canal del Focicu súbeme al Campu Ventaniellu, guapa campera en la que naz una riega que se sume unos pocos metros abaxu.
 |
| El vixilante |
 |
| Canal del Focicu |
Hay un preciosu contraste entre la ñeve illuminá pel sol y el cielu prietu hacia el norte.
 |
| Contrastes |
Y por fin llego al collau que da vista a La Vegadona o vega La Fonfría, el panorama ye impresionante, lo únicu que rompe la inmaculada superficie de la ñeve ye'l rastru un raposu. Peña Ten presidiendo, guapa esquiada la que tién tamién y que tuvi la suerte de disfrutar va unos años.
 |
| Peña Ten y La Vegadona |
Sigo'l rastru el raposu, pa tratar de dir llaneando hacia'l puertu de La Fonfría sin perder altura, en llugar de baxar a la Vegadona.
 |
| Valle de Carcedo |
Otra vez quito les pieles y como lo últimu que me queda, una chocolatina que me sabe a gloria. Baxo esquiando a través del valle de Carcedo.
 |
| Una vista atrás hacia Ten |
Dempués de la mayá de Carcedo la pista enllana, inclusu en algún tramu sube un pocu. Esto uníu a la ñeve húmeda que se apiega a los esquís, fa especialmente pesau el tramu hasta Los Campos de María.
 |
| Llegando a La Uña, col Mampodre al fondu |
Una última baxá llévame a La Uña, agora na más queda subir pela carretera, sobre 1 km., hasta onde tengo la furgoneta aparcá. A les 16:54 cierro el circuitu, con una buena reventá, pero satisfechu. Estes peñes nunca fallen.
"Ten y Pileñes, buen par de peñes. Ten pa cabres, pa oveyes Pileñes."
No hay comentarios:
Publicar un comentario