Travesía Integral Fontanes-Ubiña (Invernal)


26 de payares de 2016

Unir Los Fontanes con Peña Ubiña a través de la esbelta crestería que pasa por el Creston del Pasu Malu, Los Castillines, el Siete... era algo que llevaba tiempu con gana facer, especialmente n'inviernu.
Después de ver el guapu vídeo del mio amigu Carlos https://vimeo.com/89968747 , recorríendola en solitariu, la motivación aumentó, y ya nel inviernu de 2015 y pegué un tientu xuntu a Mario. N'aquella ocasión retirámonos a los pies de los Castillines por el borrin tupíu y el fuerte aire.

En un iviernu que no acababa de llegar, medraba en mí la idea de ir en solitariu, pero al final animose mio padre. Siempre fue él quien me arrastro desde nenu pelos montes, ahora cámbiense les tornes, pero cuesta dexalu atras, ¡el paisanín resiste!

Entama a alborecer
Un buen madrugón, nada fuera de lo normal en inviernu y salimos pa Tuiza. Sobre les 7 la mañana arrancamos con los frontales na cabeza hacia el Meicín. Subimos sin crampones hasta la Forqueta el Portillín, onde nos entama a dar el sol. Menos mal que a partir de aquí empieza a haber un poco nieve, porque sino lo de "invernal" iba quedar reducíu a la simple fecha del añu.

Na Forqueta, primeres luces hacia Cueva Palacios

Ponemos los crampones,  sacamos el piolet y tras echar un bocaín, cruzamos los Joyos de Cueva Palacios por una incómoda nieve costrosa que meyora por momentos a medía que subimos el Canalón del Güe.

Había subíu a Los Fontanes por la arista NE hacía unos meses así que prescindimos de la cumbre y desde el collau coyimos la crestería hacia el sur.

Empezando la cresta
Por ahora la cosa ta sencilla, pero enfrente asoma el intimidante Crestón del Pasu Malu. Hasta ahora la nieve no taba del tou mal, pero nel Creston encontramos nieve polvo tapando la roca, por lo que decido sacar la cuerda pa asegurar un pocu.

Hacia el Crestón del Pasu Malu

Tres facer la delicada subida al Crestón baxamos un pocu hacia el sur pa montar un rápel. En el anterior intentu de 2015 vímonos obligaos a rapelar hacia el llau asturianu porque el fuerte aire sacaba les cuerdes pa arriba ca vez que les tiraba hacia León. Esta vez, con un día perfeutu, rapelamos sin problema desde una horcadina onde hay una instalacion hacia el Oeste.

Rapelamos con una sola cuerda y en 30 metros estamos en un corredor de nieve que da accesu a una vira que permite bordear les Agujes Rojes por la vertiente leonesa.

Rapelando el Crestón 

Continuamos por terrenu mas sencillu hacia la siguiente cumbre, El Siete, desde onde tenemos una preciosa perspectiva tantu hacia atras como hacia lo que mos queda por recorrer.

Desde el Siete: Les Agujes Rojes, El Crestón y los Fontanes
Emprendemos la baxá con la vista puesta nel Tercer Castillín, un sombríu torreón que escalaremos por la vía de Los Mierenses. Ya había fecho la vía en veranu iba unos años, sabía que no tenía complicación, salvo que tuviera nieve.

Los Castillines y La Reina del macizu
Llegamos a los pies del Tercer Castillín y cambiaos les botes por los pies de gatu. Entamo la escalada, la peña ta fría como los xelos , asi que tacto cero; sumao a la mochila y la indumentaria de inviernu la cosa tien algo más de miga que en veranu. Pero bueno, subo sin mayor problema, esquivando un neverín que los gatos no quieren ni goler. Uno los dos largos en un, monto reu y enseguida llega mio padre.

Los Mierenses al Tercer Castillín
Tira él hasta cumbre con algun pasu delicau entre nieve. Arriba unes vistes al alpino paisaje y nos disponemos a montar el rápel.

Cumbre del Tercer Castillín

Rapelando

Después de rápel recoyemos les cuerdes y volvemos a calzar les botes pa continuar la aérea cresta hacia el Segundu Castillín.

Cresteando enos Castillines

Sin perder tiempu, baxamos hacia el Primer Castillín y continuamos hacia La Puerta de Arcu, última cumbre antes de la reina.

Mi padre duda si seguir, porque ya llevamos una buena paliza, pero veo que hay huella en la Norte Clásica de Ubiña. Se que en una hora podemos tar arriba, así que tovia tenemos algo de margen de luz. Consigo convencelu con pocu esfuerzu...

Aunque hay dalguna instalación de rápel pa baxar de La Puerta de Arcu, optamos por destrepar porque lo vemos sencillu. Y ponemos la vista ya en Peña Ubiña, grandiosa.

Ascendemos directamente por la cresta, por terreno mixto y delicau, pero bastante fácil. Antes de enlazar con la Norte sentámonos a echar un bocau, comentamos que da la impresión de tar en una gran pared como la Norte del Eiger o de les Grandes Jorasses, soñar ye gratis...

Enos campos de nieve de la norte, en busca de la huella
Enlazamos con la huella de la Norte Clásica en los campos de nieve que hay despues del primer corredor. Con esta escalera en 20 minutos tamos saliendo a cumbre, con más energia que a media travesía, coses de la motivación de ver conseguíu el obxetivu.

Llegando a la cumbre de Ubiña 
Son aproximadamente les 5 de la tarde cuando llegamos a cumbre, solos como el restu el día, con un dia preciosu y con unes sensaciones muy buenes. Padre y fíu compartiendo montaña como enos vieyos tiempos.

Cumbre de Ubiña, con tou el recorriu detras


No nos paramos muchu, baxamos directamente hacia Terreros, por una nieve que ta empezando a xelar otra vez. En un momentu tamos nel Meicin, tomando un ricu caldu que nos sirve Tania tan amable como siempre.

10 hores después tamos de vuelta en Tuiza, cansaos pero satisfechos. Ubiña ye un macizu muy agradecíu, a pesar de no ser muy extensu tien un ambiente muy alpino. La integral ye una actividad preciosa, aunque había poca nieve, obligonos a atravesar tou tipu de terrenu, con el aliciente de enlazar un montón de cumbres y con la magia que tienen siempre les crestes.





2 comentarios:

  1. Gracies por compartir esi día tan guapu con eses fotos y esa narrativa tan entretenía. Menuda actividá os metisteis!

    ResponderEliminar
    Respuestas
    1. Gracies Fer! Una actividad muy guapa, que merez mucho la pena. Ambiente muy alpino

      Eliminar