"Canten los Sapos". Nueva vía en Los Peñones del Vilosu (Casu - P.N. Redes)

Sábadu 11 de marzu de 2017

Con estos inviernos tan raros que mos vienen últimamente anda uno perdíu, non se sabe si coyer los fierros o los gatos o el palote y dir pal güertu. Una semana con temperatures casi veraniegues, sumau a la poca ñeve caía esti añu, non daba muches esperances pal fin de semana.

Ya iba dos veces, que saliendo de nuechi a coyer lleña pal fueu, sintía cantar los sapos, y aunque el refraneru popular ya de pocu val con esto del cambiu climáticu, mio güela siempre diz "cuando canten los sapos antes d'abril, allí la ñeve ha de cubrir". La meteo confirmaba lo qu'avisaben los sapos, y pal sábadu de tarde entraba borrasca y fríu, asina qu'había que aprovechar la mañana del sábadu.

Últimamente cuadrar colos coyacios pa salir al monte ye mas difícil que la alineación de los astros, a última hora tuercense siempre los planes, asina que tocaba salir solu. Que por otru llau ye algo que me presta y necesito de vez en cuando.

Tenía gana volver al Vilosu a echar un güeyu, esa cara de la Peña la Rapaona siempre me llamó la atención y pienso que tien un potencial de la ostia pa la escalada en xelu y terrenu mixtu.

En avientu (diciembre), nuna primera incursión, habíamos subíu un corredor sencillu en la parte central de la paré y habia echau un güeyu a un estrechu canalón que subía pe la so derecha.

N'aquella ocasión entramos per Brañagayones, aprovechando que contaba col 4x4. Esta vez entré per Lleón, pol Valle de Ríu Pinzón.

Valle del ríu Pinzón y picu San Justo

Salgo de la carretera del Puertu Les Señales a les 8:30.Voy en modo llixeru, playeros porque la ñeve ta alta, esquis y botes ena mochila, crampones, piolets, comida y agua.

Mampodre y San Justo

A los 1700 metros, después de una hora andando, por fin pongo los esquís.

Otru que anda perdíu...

Muy poca ñeve, especialmente nes cares sur.

Laguna Negra y la zona de San Isidro mas blanca que el restu

En algo menos de dos hores toy en el collau La Molía, ya en la divisoria entre Asturies y Lleón , dando vista pa Redes. El fumu de los incendios de estos díis casi oculta el valle y la ñeve hacia Asturies brilla por su ausencia

Peñones del Vilosu y Peña'l Vientu

Una esquiaina guapa hasta los llanos del Vilosu y aproximo a la entrá del corredor.

A la izquierda la Canal Central a la derecha Canten los Sapos

Pongo los crampones, saco los piolets y echo los esquís a la mochila. Les condiciones son bastante asqueroses, y como tampoco traigo equipo de protección la idea ye tirar hasta onde se ponga chungo, solo por echar un güeyu

Becerrera San Pedro (Campigüeños), Tiatordos, Cornión. Más cerca Cantu l'Osu, Valdevezón, les Llagunielles...

Cuando había tao la otra vez había vistu un primer resalte en la entrada, esta vez taba tapau, solu un pocu rimaya sin ninguna complicación. La ñeve ta gocha, pero no me entierro muchu, asina que avánzase bastante bien.

Entrando al corredor

Resalte central y bifurcación

Voy ascendiendo por un corredor encaxonau entre verticales e inclusu desplomaes pardes de negra cuarcita por les que arroya agua de la fusión de la ñeve, acompañá de alguna piedrina pequeña que no invita a detenese. 

La pendiente que hasta agora era de 50º más o menos va aumentando y a los 70 metros de iniciar el corredor (aproximadamente) sal una estética goulote a la derecha, xustu antes del primer resalte que encuentro. El xelu esta podre, a pesar de la buena capa que hay, y no llevo material; temiendo llegar a un puntu de no retornu descarto la goulote y sigo rectu por corredor.

Primer resalte

El resalte tendrá dos metros de altura y el xelu rodea el bloque empotrau por ambos llaos, pruebo pero esta muy podre y fisura en cada golpe de piolet. Así que opto por esquivalu por la derecha por terrenu mixtu.

Saliendo del resalte

Otros 30 o 40 metros de corredor a 60º y llego a un nuevu resalte, esti bastante más seriu. Un gran bloque obstaculiza la canal, formando algo de cueva sin salida y dos paredes de tres o cuatro metros cerrando los laterales con xelu solo en la parte alta. Corre agua por toes partes.

Debo tomar una decision, esti pasu sin asegurar pue ser algo temerariu, por otru llau jódeme dar la vuelta. Lo cierto ye que si escalo pegau a la cueva, la caida seria sobre una repisa de nieve "sin peligru", aí que decido probar. Se que después la salida ya ye fácil.

Hacia el segundu resalte

Pero tengo otru problema, escalar esto con la mochila y los esquís va a ser imposible, y no tengo ni un triste cordino pa izarlo después. Toca ingeniar algo...

Primer prototipo...

La primera idea, cuelgo tou de un baston e ízolo con el piolet hasta onde llegue. No me sirve!! estorba pa escalar. Lo ciertu ye que viendo la foto ahora estoy descojonandome del tendal de la ropa...

Ocúrreseme otra idea, amarro un bastón a otru por les correes y esti a la mochila. Apoyo tou en la paré con idea de pescalo desde arriba con el piolet.

¡Toca escalar! Elijo la paré de la izquierda. Debo evitar ime a la izquierda, porque en casu de caída iriame pendiente abaxu. Pincho altu con el piolet izquierdu, subo los crampones a la roca y meto el derechu en una fisura invertía; resbalón y a la repisa de nieve, en la que me entierro hasta el eje. En cada caída toca salir desde más baxu...

Al tercer intentu ya estoy un pocu fartu, empapau hasta el alma por el agua que arrolla . Inténtolo otra vez, apoyando la espalda en el bloque pa hacer algo de contraposicion consigo garrar un bloque por arriba que da cantu, pero con guantes no soy pa aguantame, otra vez abajo, y hasta la cintura en la nieve. Pero ahora se que pueo salir, solo hay que quitar los guantes y esperar a que baxe la popeyada de antebrazos.

Antes asegúrome de que el bastón esta en posición correcta pa poder pescalu desde arriba y repito el procedimientu: pincho, subo pies, gancheo invertiu, subo pies, espalda a la paré y mano al cantu. Subo alto los pies al xelu e intento pinchar algo pa subime. Nieve blanda, que bien... Clavo el piolet en la nada y salgo arriba, a la quinta, ¡que alegría!

la maniobra de recuperación de la mochila sal a la perfección, non sin estirame como un merucu.

Encima del segundu resalte

Ahora solo me queden unos 50 metros de corredor fácil pa salir a la arista.

Última parte

Salgo feliz a la arista, hacia muchos ñaos que observaba estos corredores desde lexos.

La cara sur esta pelada, asina que acúestome un ratín al sol entre el brezu. Como algo y echo un ultimu vistazu a esti mundu de corredores y aguyes.
Cojo rumbo Este, hacia la cumbre pa después baxar de nuevu al collau la Molía.

Un últimu vistazu hacia abaxu

Antes del collau, calzo los esquis y en un momentu baxo hasta onde acaba la ñeve, estirando los últimos neveros.

Narcisus Asturiensiss

Pongo los playeros. Les nuves parecíen querer por fin entrar, pero por el valle del ríu Pinzon el sol vuelve a abrir, al igual que los narcisos que tiñen de mariellu los verdes praos. En un ambiente idílicu y tres un agradable paseu llego al coche, son las 14:30. 

Un día que no pintaba muy allá dio d sí munchu más de lo imaxinau. Vuelvo pa Veneros más contentu que unes pascues.

Animo a la xente a que visite esta zona, habiendo condiciones pue dar munchu xuegu.

Pa la vía recomendable cuerda de 60 , 2 o 3 clavos, 1 o 2 tornillos de xelu, empotradores y friends medianos o grandes y ancla o estaca.

Grado aproximau, a la espera de meyores condiciones y repeticiones. Con más nieve el primer resalte pue ser casi inexistente.