Entamando la temporá de tapia. Espejismo de Verano a la Este del Urriellu

12-04-2017

Inviernu raru esti, que dexonos facer tan poco que cuesta resignase y soltar los piolets. Pero bueno, toca dir poniendo el "chip" de roca y que meyor sitiu pa motivase que El Picu. 
Sige dando buen tiempu y el miércoles consigo llibrar nel trabayu. Quedo con Elías que lleva tiempu un poco desenganchau y precisa daqué estimulante, de lo que crea afición. Preguntoy a Fernando Calvo (gracies por la info como siempre) si sabe como ta Peña Santa, comentame que no hay buelga na ñeve de los Asturianos pa allá y qu'el primer resalte ta peleón, pero que el Urriellu ta muy guapu, col Anfiteatro llimpiu. Asina que na meyor que la rocaza de la este pa volver a poner la cabeza a funcionar.

Arrancamos pa allá de martes de tarde, comemos un pinchu n'Arenes y pa Pandébano. Cuando vamos pela pista vemos coches aparcaos nes orielles, cosa que mos inquieta. Pero rápido vemos por qué, la pista ta desfecha. Lo de esta pista ye de risa, como munches otres coses nos Espacios Protexíos , si se prohíbe'l pasu que se prohiba de verdá y sinón que la mantenguen en condiciones.  Asina que na, en Pandébano otros tres coches y nos.
Saliendo de Pandébano

El dia está preciosu y la subida fase muy agradable contemplando el paisaxe.

Últimes lluces sobre Bulnes

La ñeve entama na parte alta de les "zetes", hay buelga y súbese bien.


Brumes y Lluces sobre Maín y El Cuera



Llegando a la Vega debaxu la Oeste

Habíamos reservao pa dormir y almorzar nel refu, pero no pa cenar porque non llegábamos a tiempu. Tomás mos atiende tan bien como siempre , preparamos les coses y tiramos de infiernillo pa cenar daqué caliente. Nel refu otres 8 o 10 persones, que pela mañana comprobamos que non diben a escalar.

A les 6:45 suena el despertaor, somos los primeros en llevantamos pa almorzar. Alborez un día increíble, sin aire y pocu fríu, pero lo suficiente pa poner la ñeve dura.

Primeres lluces nel Neveron d'Urriellu


Con estes condiciones subimos la Celada como tiros, cómodamente.


Llegando al Collau Tras el Picu

Campones y piolet hasta pie de vía y el Picu enteru pa nosotros solos, la Este a la carta, ¡que lujo!

En mente hacer dalguna que no tengamos: La Cainejo, Espejismo de Verano, El Vuelo del Dragón...
Tras dudar un ratu eleximos Espejismo, que con les reuniones equipaes ye menos comprometía, ideal pa iniciar la temporá.

La compacta cara este a nuesa disposición

Entama Elías, largo de IV+, típicu muru de placa y canalizos de la parte baja de la este.

L1


Tócame a mí. largo de 6a, con tres parabolts y un clavu. Dende'l segundu párabolt recomiendo facer una travesia a la derecha pa lluego subir en rectu a buscar el clavu. Pasos finos en un muru de furacos, rocaza.
Les reus estan toes con 2 páraboltas y cadena lo que agiliza bramente la escalada.

L2
El tercer largo de V+ tocay a Elias, largo con tres párabolts nel qu'hay que navegar y saber buscar el mejor intinerariu, travesia pa llegar a la reunión desplazada a la izquierda cinco metros.

El cuartu tócame otra vez. IV + con un seguro

L5

El largo 5, otru IV+ con un parabolt y algun puente de roca. Que déxamos a los pies de la Cepeda, hacemos un largo de transición y montamos reu en el gran puente de roca de esta vía.

Un neveru aguanta en la travesía, pero esquívase bien. La cola de una sirena de xelu cuelga de la pared.

Neveru en la travesía de La Cepeda, con la cola de la sirena



Mientras toy en el puente de roca asegurando a Elías no estoy solu, un ratonucu comparte reunión conmigo, paez imposible que puedan vivir y llegar a aquí enriba.

El mio collaciu

Tócame el famosu largo del rompetobillos, ca vez que lu paso me paez que patina más que la anterior, pero bueno, ta bien protexíu y salse fácil.

El pasu del rompetobillos


Y llego al furacu de pasar pal anfiteatro y la duda de siempre: ¿primero los pies o la cabeza? Tiro la mochila pa allá y tiro con los pies per delante, por probar..., trabo con tou y salgo como puedo. No me convence, meyor de cabeza como otres veces...


El dichosu furacu

Elías buscando la forma mas digna de pasalu

Dexamos los trastos onde los rápeles de la Sur y tiramos pa cumbre. El anfiteatro está llimpiu , solo un pequeñu neveru arriba que esquivase bien, como me había comentau Fer.

Neveru de antes de cumbre

Un 12 de abril, con un dia espectacular, un auténticu "espejismo de verano" , solos nel Picu, ¿que más se pué pedir?

Añadir leyenda



Tamos contentos, la escalada diose a la perfección y volvemos a tar xuntos na cumbre del Picu por cuarta vez, desde aquella primera a la Pidal-Cainejo, dirá ya camín de 10 años.

Disfrutando de les vistes
Echamos un ratu na cumbre, no siempre se pue disfrutar de esa tranquilidá. La verdá ye que costó decidise a baxar.

Los rápeles de la sur una maravilla sin xente, en un momentu tamos abaxu recuperando los crampones y piolets que habiamos dexáu a pie de vía.


Rapelando per la sur


La ñeve no mos da demasia guerra pa baxar la Celada y en un momentu tamos nel refu. Recogemos, tomamos la cerveza de rigor y charramos un ratu con Tomás. Ta pa quedase aquí unos dis , pero hay que baxar...



La Terenosa

La baxada pa Pandébano tan guapa como siempre. Actividá de lujo que motiva y vuelve a engranar a un con la roca.
Sorprendíos una vez más por la ausencia de xente faciendo actividá.

 Agora toquen unos dis por Gredos, pero eso ya sera pa otru reportaxe.

No hay comentarios:

Publicar un comentario