Altu Les Palanques "Intrusos" 350m. MD sup 7a+(6b,A0)

7 de mayu de 2017

- ¿ Que facemos mañana tipo?
- Dan bueno, molaba algo de tapia.
- No te engaño ni pa dios pa ir a deportiva eh...
- Que va...jajaja
- Tien buena pinta la vía esa del Altu les Palanques.

Estes palabres de Elías ficieron esnalar la mio cabeza; y ye que esa vía, la "Intrusos", teníala entre ceja y ceja, pero non contaba con ella ya.
Non había mucho más que falar, na más que ponese en marcha.

Los idílicos praos del Valle de Angón


El Valle de Angón, una parte onde el Dobra ábrese corriendo entre idílicos praos, pa volver a encerrase en murallones calizos agues abaxu. El extremu occidental del Cornión, nel conceyu de Amieva. Una zona salvaxe, perguapa y poco transitá de Picos.

Dexamos el coche un pocu dispués de pasar la cabaña "El Silo", onde la pista que baxa del Collau Angón hacia el Restañu enllana y fa una curva cerrá.

Si daqué aprendimos de incursiones anteriores n'esta zona, como cuando subimos el valle de Ozania y baxamos pela Muda, ye que tendríamos buena ración de parres (ablanares), gorbizos y argana. Asina que na, untámonos en repelente de isectos (que tan les cabarres peligrosilles), preparamos los trastos y ponémonos en marcha.

Cruzamos dos praos per les portelleres (que cerramos otra vez al pasar) pa baxar al ríu, onde un guapu pontigu (puente Debarria) llévamos a la otra oriella del Dobra.

Puente Debarria sobre'l Dobra

Llexos de lo que pensábamos, un cómodu senderu fanos ganar altor rápidamente, pa continuar per una pendiente cubierta de matu baxu que déxamos subir hasta pie de paré de manera bastante afayaiza.

Aproximación a la pared

La tapia de Les Palanques

En pocu más de una hora tamos a pie de paré, que a primera vista ya se da un aire a Fresnidiellu. La vía esta equipá con spit de 8 y muchos puentes de roza lazaos, aunque hay que llevar algun cacharrin pa completar l'aseguramientu. Les Reuniones están con doble chapa casi toes.

Baxu el arroyón  de la izquierda esta la R1































El  L1cortu, de 6a+ déxanos bajo el desplome del largo más difícil de la vía. El L2, 7a+, no obligau, que va en travesía hacia la derecha.



Elías nel L2
L3, muy guapu, sobre 6b.


Yo nel L3

L4 , V+

L4
La roca muy pinchuda , aletes, canalizos, oreyes...y una aderencia de la ostia. La cosa va coyendo altura y les vistes sobre Angon , la Cordillera y la zona del Cantu Cabroneru enfrente son espectaculares.
Empalmamos largos 5 (IV+) y 6 (V+)

Elías llegando a la R5, ¡patiazo!
L7, V+, muy guapu también. Seguimos con rocaza y canalizos.

L7
Vamos ampliando campu de visión y empiecen a asomar cumbres de Picos como la Cabra Blanca, El Diente La Garita cimera también el valle de Ozania...
Mirando al Este, dende la Cabra Blanca al Cantu Cabroneru

Al Sur destaca el Tiatordos

Volvemos a unir los largos 8 (6a) y 9 (V+) con unos canalizos que se te va la pinza escalándolos.

Preciosos canalizos pa llegar a la R9

Elías haz el largo 10 (V+) y cuando llego yo a la reunión son les 6, solo quedaba un lago cortu de IV+, pero como no queríamos llegar demasíau tarde a casa decidimos baxanos.
Le reuniones estan preparaes pa rapelar, repusimos algun cordino que estaba muy podre y ficimos 5 rápeles. de la R10 a la 8, de la 8 a la 6, de la 6 a la 4, de la 4 a la 3 y de esta al suelu.

Rapelando
Elías nel últimu rapel, 60 metros xustos dende la R3

Los rápeles danse muy bien y en un momentu tamos abaxu. Descendemos la ladera y vuelta al coche. 
En definitiva, una vía muy recomendable, en un entornu idílicu, con una roca de la ostia y rodeá de paredes con mil posibilidaes. Otru día de los que te faces un pocu más adictu .

Dexo a continuación un buen croquis de Victor Sanchez.


No hay comentarios:

Publicar un comentario