Vía "Fierro" MD sup (6b/A1) a la Aguja de Sobia

1 de mayu de 2017

Sin duda una selmana muy dura pa los que estamos poseíos por el demoniu de la montaña. Y ye que entamaba con la noticia de la muerte de tres homes nel Espolon del Jisu y finaba con otra trágica noticia, la muerte de Ueli Steck nel Nuptse cuando entrenaba pa la travesia Everest-Lotse.

Probablemente un de los meyores alpinistas de la historia vase asina, sin que naide lo esperase, porque aunque lo que facía era extremu, la determinación y técnica de la "maquina suiza", facía que pareciera fácil lo extraordinariamente difícil. Dexa un gran vacíu, no solo por lo gran alpinista que era, tamién pol so valor humanu. 

Como decía el otru dia acertamente un colega "somos títeres en manes de la física" 

Lo ciertu ye que estes noticies dexen a un desconcertau, llenu de dudes. Otra vez asalten les preguntes de ¿Por que vamos? ¿Que buscamos? ¿Merez la pena? 

La mejor forma de contestase a un mismu ye ir a la montaña, porque faciendo lo que realmente nos gusta encontramos la claridá que escampa les dudes, además que ye la meyor forma de rendir nuestru particular homenaxe a los caíos n'esti xuegu.

Aguja de Sobia y Muro Techo

Unes cuantes veces fuimos a Muro Techo a escalar y quedamos mirando pa la Aguja de Sobia, pero ahí seguía, como tarea pendiente. Había oíu va tiempu que habien reequipao la "Fierro" y esti añu ya tentaba demasiau.
Póngome a buscar info y encuentro una publicación de Larri en Foropicos (http://www.foropicos.net/viewtopic.php?t=30387) onde da muy buena info y narra la conversación con Miguel Rodríguez, otru grande que nos dexó recientemente, que diz textualmente: 

"Magnífica,impresionante,no tengo palabras.Gran clásica ,hoy deportiva,de la Cordillera.Una joya.-Olvidate de lo que aprendiste en Peñas del Prado,Vegacervera,Fresnidiello,Melluque ,etc.Ésto es otra historia-,me dijo Miguel cuando me propuso este embolado.Vaya si tengo que darle la razón!,esta vez tuve que emplearme a fondo."

Dicíendolo ellos, ¿que duda había? ¡Al tema!

Miguel y sus croquis, ¡que maravilla!

La vía está totalmente equipá con párabolts y clavos, aunque no sobra llevar algún cacharrin,  con un pequeñu juegu de empotradores y algun friend medianu/pequeñu sobra.

Mario contemplando la Aguja

El iniciu del primer largo consiste en una sencilla trepada,  seguía de un diedro de IV+ que nos dexa en la primera reunión. 

Mario nel primer largo

Aquí entama el bacalao de la vía. Tres subir un muru vertical,  pasamos a la otra vertiente del filu,  entrando en una fina placa de gotes de agua y fisures que va poniendose cada vez más vertical hasta desplomar unos metros por debajo de la R2.

Iniciando el segundu largo

Al principiu los párabolts estan algo separaos, de fechu usé un alien y los estribos pa un pasu con el que no me acababa de decidir.  El restu va saliendo en una mezcla de libre y A0.

En la segunda reunión ¡Ambientazo!

Pronto llega Mario, flipando con el ambiente.

Mario sobrepasando el desplome

El terceru ye el largo más guapu,  entama con un desplome de roca tipo acantilao, muy abrasiva, pa continuar por una placa que cada vez se pon mas vertical. Hay que ir por el filu del espolón,  con finos pasos de equilibriu. En libre sal sobre 6b.

El preciosu muru del tercer largo

Mario saliendo del desplome a la preciosa placa del tercer largo

En la R3 Mario pregúntame si me importa seguir delante a lo que  accedo sin problema.
En teoria ye IV+,  pero no menospreciar el largo, si me dicen que ye V+ también lo creo.
Empieza por un muru vertical con buen cantu, pa cruzar a continuación a la izquierda en busca de una fisura característica.
Escalada "rara" tipo offwidth que nos dexa en una horcadina cerca la cumbre.

Saliendo de la chimenea offwidth del ultimu largo

Un últimu murín déxanos en una cómoda reunión nun nichu.

En la amplia cumbre de la aguja tres una prestosa escalada

Desencordámosnos,  recoyemos les cuerdes y subimos a cumbre.  Curiosamente, amplia pa tratase de una aguja.

Tan prontu salía el sol como nos caía alguna gotina

El tiempu cambiante tou el día, tan prontu salía el sol como se ponía a gotear, típicu día de aire de sur n'Asturies.

Montando el rápel

Tres comer algo y disfrutar de les vistes, ponémonos a buscar la instalación de rápel.
Aunque desde arriba de la sensación de que no, en un rápel de 55 metros plantámonos nel collau.

El impresionante rápel

Un rápel bastante impresionante,  con parte volada.
Desde el collau baxamos un poco hacia el oeste y enseguida topamos un cuerda fija que mos ayuda a destrepar.

Cuerda fija pal descensu 

Una última mirada

Baxamos contentos, falando de proyectos,  de literatura de montaña, del curro, del futuro,  poníendonos al día ; llevábamos muchu sin poder cuadrar pa facer daqué xuntos.
Ua buena escalada que devuelve a la mente algo de tranquilidad y la motivación pa seguir soñando proyectos.

Unes cervecines en el bar Peña Sobia de Entrago y vuelta pa casa.